1 ਦਸੰਬਰ ਨੂੰ PNB ਖਾਤਾਧਾਰਕਾਂ ਨੂੰ ਲੱਗੇਗਾ ਵੱਡਾ ਝੱਟਕਾ, ਲਾਗੂ ਹੋਣ ਜਾਂ ਰਿਹਾ ਇਹ ਨਵਾਂ ਨਿਯਮ

ਦੇਸ਼ ਦੇ ਦੂਜੇ ਸਭ ਤੋਂ ਵੱਡੇ ਬੈਂਕ ਪੰਜਾਬ ਨੈਸ਼ਨਲ ਬੈਂਕ (PNB) ਨੇ ਖਾਤਾਧਾਰਕਾਂ ਨੂੰ ਝਟਕਾ ਦਿੱਤਾ ਹੈ। ਬੈਂਕ ਨੇ ਬੱਚਤ ਖਾਤਿਆਂ ‘ਤੇ ਵਿਆਜ ਦਰਾਂ ਵਿੱਚ ਕਟੌਤੀ ਕਰਨ ਦਾ ਫੈਸਲਾ ਕੀਤਾ ਹੈ। ਬੈਂਕ ਨੇ ਬੱਚਤ ਖਾਤਿਆਂ ‘ਤੇ ਵਿਆਜ ਦਰਾਂ ਨੂੰ 2.90% ਤੋਂ ਘਟਾ ਕੇ 2.80% ਸਾਲਾਨਾ ਕਰਨ ਦਾ ਫੈਸਲਾ ਕੀਤਾ ਹੈ। ਨਵੀਆਂ ਦਰਾਂ 1 ਦਸੰਬਰ ਤੋਂ ਲਾਗੂ ਹੋਣਗੀਆਂ।

10 ਲੱਖ ਰੁਪਏ ਤੋਂ ਘੱਟ ਬੱਚਤ ਖਾਤੇ ਦੇ ਬਕਾਇਆ ‘ਤੇ ਵਿਆਜ ਦਰ 1 ਦਸੰਬਰ, 2021 ਤੋਂ 2.80% ਸਾਲਾਨਾ ਹੋਵੇਗੀ। ਨਾਲ ਹੀ, 10 ਲੱਖ ਰੁਪਏ ਅਤੇ ਇਸ ਤੋਂ ਵੱਧ ਤੇ ਸਾਲਾਨਾ ਵਿਆਜ ਦਰ 2.85 ਪ੍ਰਤੀਸ਼ਤ ਹੋਵੇਗੀ। ਹੁਣ ਤੱਕ, ਜਮ੍ਹਾਂ ਰਕਮਾਂ ‘ਤੇ 2.90 ਪ੍ਰਤੀਸ਼ਤ ਸਾਲਾਨਾ ਵਿਆਜ ਅਦਾ ਕੀਤਾ ਜਾ ਰਿਹਾ ਹੈ।

ਇਨਕਮ ਟੈਕਸ ਐਕਟ ਦੀ ਧਾਰਾ 80TTA ਤਹਿਤ ਬੈਂਕ ਦੇ ਬੱਚਤ ਖਾਤੇ ਦੀ ਸੂਰਤ ਵਿੱਚ ਵਿਆਜ ਤੋਂ 10,000 ਰੁਪਏ ਸਾਲਾਨਾ ਤੱਕ ਦੇ ਆਮਦਨ ਕਰ ਤੋਂ ਛੋਟ ਹੈ। ਇਹ ਲਾਭ 60 ਸਾਲ ਤੋਂ ਘੱਟ ਉਮਰ ਦੇ ਵਿਅਕਤੀਆਂ ਨੂੰ ਉਪਲਬਧ ਹੈ। ਸੀਨੀਅਰ ਨਾਗਰਿਕਾਂ ਲਈ ਛੋਟ 50,000 ਰੁਪਏ ਹੈ। ਆਮਦਨ ਜ਼ਿਆਦਾ ਹੋਣ ਤੇ TDS ਕੱਟਿਆ ਜਾਂਦਾ ਹੈ। ਜੇਕਰ ਵਿਆਜ ਆਮਦਨ ਨਿਰਧਾਰਤ ਛੋਟ ਸੀਮਾ ਤੋਂ ਵੱਧ ਜਾਂਦੀ ਹੈ, ਤਾਂ ਬੈਂਕ ਦੁਆਰਾ 10% TDS ਕੱਟਿਆ ਜਾਂਦਾ ਹੈ।

Leave a Reply

Your email address will not be published. Required fields are marked *